Mihing khat I hih nak a leh,
Itna lunggulh lo ki omlo hi.
Khangno khat ka hih na tawh lawm ngaih ka nei thei hi.
Ka lawmngaih te tung panin a dang kihel lo cihtakna bek bek kal hing.
Melhoihna, Pi sauna, hauhna leh siamna tuam tuam te en masa lo hing. A hangin leh, kei neihloh, kei hih zawh loh khat, midang tungah lam en lo hing.
Tua cihtakna/commitment ka lunggulh mah bangin zong thupi sak hing. Tua mah bangin zong ka lawmngaih te tungah citak tak in om pah ing. Ahih zongin amau tungah tamvei pi pia pia in ka ngah kik loh tak teh na kasa mah mah hi. Lungsim na liangin “ Ka kalh khat bek bek om a tua in itna/cihtak na hiven maw’
Cih tawh kap thei zel hing…
Hun te hong pai to to in, tua teng kilum let den hi. Ni khat ka ngaihsut na leh ka lungsim sungah bang hong kilo hiam cih leh
“Awww, Pasian in thudang hong kal peuh mah kei vaw,
Kei lunggulh bangin, ama lunggulh zong ka lungtang bek bek hi aa” ci in ka phawk teh ka khitui te hong luang ziah ziah hi.
Aww kei hizah khasia cileng, Pasian kei tungah bangzah in khasia ding?
Kei mi citak ka kisak hang, Pasian tungah citak zo vet keng ei maw,
Ci in khat khit khat ka phawk to to hi.
Tom kim cing (Summary):
Pasian in ei mihing te lunggulh bang a lunggulh Pasian hi.
Thudang dang te sangin, I lungtang hong deih Topa hi.
Leave a Reply