ka neulai in ka nu tawh sai ka pai ciangin, deih ka hau mah mah hi. Tua hi in, ka deih khat a om teh, ka nu kiangah ka kun a, aman hong leisak hi. Tua khit ciangin ama ading puan hoih asak mu a, ahi zongin tam man sa in taisan den hi. Tua in ka dip ngek hong na sak mah mah hi.
Ka U tawh puan khep dingin ka kithawi uh a, puan keusak na panin puante ka lakhia uh hi. Khep dingin ka ki thawi lai takun ka muh uh thu in ka mai uh hong gum sakin ka leitung mit uh a thak in hong tangzai hi. Tua ka muh uh thu in, ka nu leh ka pa puan pawl khat kikhek mawk hi. Tua laitakin ka ngaihsut thu in, Inn lam ah ki om lah hiliang lo a, ci in ka khitui hong luang hi.
Ka phawk thak thu in ahih leh, nu leh pa te in amau ading khual het loin, a tate ading bek hong khual hi. Nu leh pa te’n amau bang bang a silh zongin awl mawh loin, a tate puan hoih no no hong guan nuam uh hi.
Tua in ngimna thak kei tungah hong guan hi. Hong pai ding hun te ah, Ka nu leh pa ka hih theih zah zah tawh huh bek tham loin, a hoih no no puan tampi tak tawh ka thawi nuam hi. Puan man en nawn loin, a deih bang uh a lei sak zo ding din mun dong ka tung nuam hi.
Leave a Reply