Nitak khat ka U tawh holimna ka nei uh hi. Tuma kum 2 lai thu te ka kikup laitak un, I nuntakna bangzah ta in a kikhel lam ka phawk uh hi. Tua khit ciangin tuma kum 10 lai leh tulai tak ka en kak uh hi. Bang zah in kilamdang a, bangzah in I nuntakna kikhel cih ka phawksan san uh hi. Kum 10 sungin, elementary, middle, leh highschool zo bek tham lo in, college zong ka kah uh a. Na sep zong ka nei uh hi. Tua bek tham loin kum 10 sungin ka pite gel in hong nusia uh hi.
Hun te manlang mah mah a, I nuntakna ah hizah in kikhel ahih leh hong pai lai ding hun te sungah I nuntakna bangzah in kilamdang ding hiam cih ngaihsut na hong neisak hi. Tua ahih manin I lunggulhna, i veinate I masuat ding thupi mah mah hi. I masuak leh kisem man dinga, I masuat kei leh hunte a mawk beisak I hi a, koi mah kitung lo ding hi.
Leave a Reply